HAMAIKETAKO OSASUNTSUA!

Fruta brotxetak prestatu ditugu gaur hamaiketakorako!

Gaurkoan: banana, meloia eta marrubiak.

 

Goxo-goxoak egon dira eta

fruta jatea dibertigarria dela frogatu dugu beste behin ere!

 

Ikusi...

 



LANDAREEKIN ESPERIMENTATZEN!

 Landare bat landatu nahi dugu, baina gero, 

zelan zaindu beharko dugu?

Zer behar dute landareek hazteko?

Norbaiti galdetu ahal genion edo...

guk geuk deskubritu!

Horretarako esperimentu bat egin dugu:

Dilistak kotoi artean jarri ditugu, baina 5 era desberdinetan zaindu ditugu: bati ura bota diogu, beste bati eguzki argia eman diogu, beste bati ezer ez, beste bati ur asko eta eguzki argia eta azken bati ur pixka bat eta eguzki argia.

Ikusi!

Astebete pasa ostean.... hau da topatu duguna!

Beraz... 

orain badakigu landareek 

ur pixka bat eta eguzki argia behar dutela ondo hazteko.

HAZIA LANDATU ETA GERO, ZER?

Hazia landatzen dugunetik aurrera, 

zer garapen-prozesu izaten dute landareek?

Ikusi bideo interesgarri honetan 

lehenengo 25 egunetan zer gertatzen den! 

 

LANDAREAK

2.mailan landareak aztertzen hasi gara ingurunen.

Gaiarekin hasteko honako bideo hau ikusi dugu!

Begira! 

TXOKOLATEZKO BIZKOTXOA

Aste honetan txokolatezko bizkotxoa egin dugu!

YouTube-n bideo bat ikusi dugu bizkotxoa nola egin behar genuen ikasteko.

Ondoren, bizkotxoa egiteko urratsak idatzi ditugu, hau da, errezeta bat egin dugu.

Behin errezeta idatzita, jantokira joan gara osagai guztiekin. Bertan errezetan idatzitako pausuak banan-banan irakurri eta burutu ditugu: arrautza edalontzian bota, olio koilarakada bat bota, irabiatu, ...

Eta amaitzeko.... bizkotxoa dastatu dugu!

Egia esan, ez zaigu oso goxoa atera, baina benetan dibertigarria izan da!

Aurrerago gure errezeta hobetzen saiatuko gara ;) 

BALANTZAREKIN JOLASTEN!

Matematika manipulagarria oso dibertigarria da!

Azken asteetan balantzarekin objektu desberdinak pisatzen ibili gara.  Objektu arinak, pisutsuak, ...

Objektu bakoitzaren pisua idatzi dugu gramotan eta gero konparazioak egin ditugu.

Gauza interesgarri batez ohartu gara: 

objektuak handiagoak izan arren ez dute zertan pisu handiagoa izan behar!

Izan ere, plastikozko edalontzia ezabagoma baino handiagoa da tamainaz, baina gutxiago pisatzen du.

EGUZKI-SISTEMA !

Gaurkoan "Unibertsoa" gaiaren inguruan 

egindako azken proiektutxoa erakutsi nahi dizuegu.

Eguzki-sistemaren maketa bat egin dute 

gure 2.mailako artistek.

 Bearen sormenaz baliatuta... 

begira zelako eguzki-sistema originala egin duten!

 Gora zuek!!

FRUTA-BROTXETAK

2.mailan, azken hilabete honetan, ELIKAGAIAK gaia jorratu dugu ingurunen. Elikagaien jatorria, eguneko 5 otorduak, asteko menuak, ... Honekin batera,

OHITURA OSASUNGARRIAK landu ditugu. Eskolara ekartzen ditugun hamaiketakoak osasuntsuak izatearen garrantziaz aritu gara.

Horri eutsiz, gaiarekin amaitzeko proiektu txiki bezala FRUTA-BROTXETAK egitea bururatu zitzaigun.

 

1.

Lehenengo, fruta-brotxeten errezeta egin dugu.

Osagaiak eta prestatzeko urratsak idatzi ditugu.

 

 

 2.

Gero, errezeta praktikan jartzeari ekin diogu.

Hasteko, fruta garbitu, zuritu eta moztu dugu.

 

 

 

 

3.

Ondoren, fruta zatiak brotxetetan sartu ditugu

koloreak nahastuz. Aditasun handia eskatu digu honek!

 

 

 

 

 

4.

Eta amaitzeko, dibertigarriena, ....

Guk geuk prestatutako hamaiketako osasuntsua jan dugu!!

Brotxeta asko egin ditugunez, gure irakasle batzuei fruta-brotxetak dastatzen eman dizkiegu.

 

 

 

Izugarri disfrutatu dugu prozesu osoan zehar!

Baita gure andereñoek ere! :)



Gure ipuina!

Esan bezala, 2.mailako ikasleek "El cazo de Lorenzo" ipuinaren euren egokitzapena sortu dute.

Ipuina aztertu, hausnarketa egin, euskaratu, PPTko diapositibetan idatzi, irudiak kopiatu eta itsatsi, eta haien ahotsen grabazioak egin ditugu ere! 

Ipuina etxean ikusi eta irakur dezazuen igo dut blogera, baina ez dut lortu ahotsak entzutea..... sentitzen dut! 

Ia denboraz arakatzen eta lortzen dudan!

Disfruta ezazue!

MAKETA

Ingurunen "Udalerria" gaia landu dugun bitartean... Sestaoko maketa bat egin dute gure ikasle zoragarriek!

Sestaoko kaleetan topatzen duguna islatu nahi izan dugu maketan: errepideak, zebra bideak, espaloiak, kotxeak, semaforoak, eraikinak, zuhaitzak, lorategiak, pertsonak ...  

Ederto pasatu dute maketa Aneren laguntzarekin egiten!

Mila esker Ane!!! 

Begira, begira:

 

Lorentzoren lapikoa!

Ipuin berria lantzen ari gara lagunak!

 

"El cazo de Lorenzo" Isabelle Carrier-en ipuin zoragarria da, aniztasunari eta inklusioari buruzko mezu izugarri garrantzitsua bidaltzen diguna.

 

Ipuinean azaleratzen da desberdintasunak ez duela zailtasuna suposatu behar. Beharreko laguntzekin pertsona orok parte har dezake eguneroko ekintza guztietan eta zoriontsu bizi daiteke ingurukoekin! 

 

Ez ahaztu.... desberdintasunak aberastasuna dakar!!!

 

2. mailako ikasleak ipuinaren moldaketa propioa prestatzen ari dira, amaitzerakoan erakutsiko dizuegu!

 

Bitartean..... ipuinaz gozatu!

 

 

 

 

Hezurrez gain.....muskuluak ere bai!

Esan bezala,  Jabier eskeletoari muskuluak egin dizkiote gure lagunek: bizepsa, trizepsa, bularrekoak, abdominalak, ipurdimasailekoak eta bikiak.

Poz-pozik daude Erika, Gaizka eta Aimar Jabierrekin, a zer nolako lagun berri bitxia dugun! :)

Gure eskeletoa!

Natur zientzietan "Gorputza" lantzen ari dira 2.mailan eta honekin batera hezurrak ikasten ari dira: sahietsak, bizkarrezurra, garezurra, besahezurra, kubitua, erradioa, izterhezurra eta tibia.

Horretarako....  begira zelako eskeleto izugarri polita prestatu duten 2.mailako Aimar, Erika eta Gaizkak! 

 

Jabier izendatu dute eta hemendik aurrera gure lagunmina izango da!
 

 

 Hurrengo pausua, Jabierri muskuluak egitea izango da, erakutsiko dizuegu! 

Mila esker Bea zure laguntza ezinhobeagatik!!!

 

Iraila heldu zaigu....!

Ongi etorri lagunak!!!

2017-18 ikasturtea hasi berri dugu eta iazko martxa jarraituz, noizean behin ikasleekin egiten ditugun ekintzak, lantxoak, proiektuak eta abarrak  blogean jarriko ditugu guztiok ikusgai izateko.

Prest gaude elkarrekin jolasteko, ikasteko, elkarbizitzeko, elkarbanatzeko eta batez ere disfrutatzeko!!

Ikasturte ederra opa dizuegu!

Muaaaaak!

Suhiltzaile izan nahi dut!

Oraingoan, 2. hiruhilekoan egin dugun proiektu txiki bat erakutsi nahi dizuegu.

Asaadek suhiltzaileei buruz hitz egiten ematen zituen egunak, beraz, aitzakia ederra izan zen lantxo hau egiteko.

Suhiltzaileek burutzen dituzten lanak arakatu genituen interneten, bideoak eta argazki ezberdinak ikusiz. Bestalde, Gasteizko suhiltzaileekin "entxufea" dugunez, benetako parke baten argazkiak eta bideoak ikusi genituen: kamioiak, materialak, arropa bereziak, kirola egiteko guneak, ... Gainera, jolasteko suhiltzaileen kaskoak janzteko aukera izan zuten!

Ondoren, ikasitakoarekin PPT aurkezpen bat sortu zuten haiek testua idatziz eta google-en argazkiak aukeratuz. Behin aurkezpena prest zutenean, gelaz-gela joan ziren euren proiektua ikaskideei aurkezteko.

Guztiz motibatuta aritu dira lan honekin, eta noski, nagusitan denok suhiltzaile izan nahi dute!!! ;)

 

 

Pirritx, Porrotx eta Marimototsen kanta hau ikasi dugu:

 

20. KORRIKA

TIPI-TAPA TIPI-TAPA 20. KORRIKA BADATOR!

Datorren astean, martxoaren 30ean Korrika Otxandiotik abiatuko da eta apirilaren 9an Iruñera helduko da.
Aurtengo Korrikaren abestia izugarri gustatu zaigu!
Bego Garaik, piktogramekin egokitzapen ederra prestatu du, oso egokia letrak esaten duena ulertzeko eta ikasteko!
Hementxe uzten dizuegu Begok egindako lana, guk beste disfruta dezazuen! 

 Eta badakizue... tipi-tapa tipi-tapa denok korrikara!

Gu ere euskararen alde!

Mari eta Martin Txontxongiloak

Lehenengoa aurkezpena!

Laguntza gelako 4.mailako ikasleok, txontxongilo lana burutu dugu hiruhilabete honetan. Zuen gustokoa izatea espero dugu!

---------------------------------------------------------------------------------------

Los alumnos y alumnas de 4º curso del aula de apoyo hemos realizado una obra de marionetas. Esperamos que os guste!

Gorputza

Kaixo!

 

Lehenengo mailako ikasleek euren geletan "Gorputza" gaia landu duten bitartean, laguntza gelan hurrengo bideoan ikus dezakezuen ekintza egin dute (bideoak kalitate kaxkarra du asko konprimitu behar izan dudalako blogera igo ahal izateko, sentitzen dut!).

 

Guztion laguntzaz  siluetak irudikatu dituzte; gero, piktogramen ondoan gorputz atalak idatzi dituzte; ondoren, siluetetan gorputz atal horiek dagokien lekuan itsatsi dituzte eta, azkenik, pasabidean jarri dituzte haien siluetak.

 

Ekintza polita bezain motibagarria izan da eurentzako!

 

 

 

 

 

Udazkena

Kaixo!

1.mailako ikasleek udazkenari buruzko liburuxka bat egin dute urtaro honen ezaugarriak ezagutzeko. Primeran pasatu dute euren liburuxkak sortzen eta baita bideoa egiteko behar izan ditugun argazkiak ateratzen ere. Hona hemen bideoa!

Gorputza barrutik

4. mailako ikasleek esperimentua sortu dute Arnas Aparatua azaltzeko.