HAMAIKETAKO OSASUNTSUA!

Fruta brotxetak prestatu ditugu gaur hamaiketakorako!

Gaurkoan: banana, meloia eta marrubiak.

 

Goxo-goxoak egon dira eta

fruta jatea dibertigarria dela frogatu dugu beste behin ere!

 

Ikusi...

 



ANIMALIEN LAPBOOK-A

Animalien gaia natur zientzietan landu dugun 

azkena izan da. 

Animalien ezaugarri batzuk (obiparoak, bibiparoak, haragijaleak, belarjaleak) eta 

taldeak (narrastiak, anfibioak, ugaztunak, hegaztiak eta arrainak) aztertu ditugu.

Begira zelako lapbook zoragarria egin duten 

2. mailako langile finek! 

 

  

 

URAREKIN ESPERIMENTATZEN!

IRAKURKETA-IDAZKETA MONTESSORI

Izugarri gustatzen zaigu irakurketa-idazketa Montessori material honekin lantzea.

Lehenengo, irudia aztertu eta hitza irakurtzen dugu. 

Gero, letraz-letra hitzak eraikitzen ditugu, 
eta amaitzeko, errotulkiarekin hitza idazten dugu. 

Begira!

LANDAREEKIN ESPERIMENTATZEN!

 Landare bat landatu nahi dugu, baina gero, 

zelan zaindu beharko dugu?

Zer behar dute landareek hazteko?

Norbaiti galdetu ahal genion edo...

guk geuk deskubritu!

Horretarako esperimentu bat egin dugu:

Dilistak kotoi artean jarri ditugu, baina 5 era desberdinetan zaindu ditugu: bati ura bota diogu, beste bati eguzki argia eman diogu, beste bati ezer ez, beste bati ur asko eta eguzki argia eta azken bati ur pixka bat eta eguzki argia.

Ikusi!

Astebete pasa ostean.... hau da topatu duguna!

Beraz... 

orain badakigu landareek 

ur pixka bat eta eguzki argia behar dutela ondo hazteko.

AUSARTAK!

Egunetik egunera, gaixotasunei aurre egiten dieten  

familia eta haur txiki eta ausarta guztiei 

eskainitako abesti ederra sortu dute 

"Ene kantak" taldekoek eta bere gonbidatu bereziek.

Begira!

Ausartak beti aurrera goaz, arnasestuka bada ere!!

HAZIA LANDATU ETA GERO, ZER?

Hazia landatzen dugunetik aurrera, 

zer garapen-prozesu izaten dute landareek?

Ikusi bideo interesgarri honetan 

lehenengo 25 egunetan zer gertatzen den! 

 

LANDAREAK

2.mailan landareak aztertzen hasi gara ingurunen.

Gaiarekin hasteko honako bideo hau ikusi dugu!

Begira! 

TXOKOLATEZKO BIZKOTXOA

Aste honetan txokolatezko bizkotxoa egin dugu!

YouTube-n bideo bat ikusi dugu bizkotxoa nola egin behar genuen ikasteko.

Ondoren, bizkotxoa egiteko urratsak idatzi ditugu, hau da, errezeta bat egin dugu.

Behin errezeta idatzita, jantokira joan gara osagai guztiekin. Bertan errezetan idatzitako pausuak banan-banan irakurri eta burutu ditugu: arrautza edalontzian bota, olio koilarakada bat bota, irabiatu, ...

Eta amaitzeko.... bizkotxoa dastatu dugu!

Egia esan, ez zaigu oso goxoa atera, baina benetan dibertigarria izan da!

Aurrerago gure errezeta hobetzen saiatuko gara ;) 

IRAKURKETA ULERKORRA

Irakurtzen ditugun hitzak ulertzeko prozesuan gabiltza.

Txartelak irakurri, irakurritakoa ulertu eta 

bere irudiarekin sailkatu behar ditugu. 

Irakurketa lantzeaz gain, 
ozeanoko, sabanako, basoko eta ohianeko 
animalien izenak ikasten ditugu! 

Begira! 

BALANTZAREKIN JOLASTEN!

Matematika manipulagarria oso dibertigarria da!

Azken asteetan balantzarekin objektu desberdinak pisatzen ibili gara.  Objektu arinak, pisutsuak, ...

Objektu bakoitzaren pisua idatzi dugu gramotan eta gero konparazioak egin ditugu.

Gauza interesgarri batez ohartu gara: 

objektuak handiagoak izan arren ez dute zertan pisu handiagoa izan behar!

Izan ere, plastikozko edalontzia ezabagoma baino handiagoa da tamainaz, baina gutxiago pisatzen du.

EGUZKI-SISTEMA !

Gaurkoan "Unibertsoa" gaiaren inguruan 

egindako azken proiektutxoa erakutsi nahi dizuegu.

Eguzki-sistemaren maketa bat egin dute 

gure 2.mailako artistek.

 Bearen sormenaz baliatuta... 

begira zelako eguzki-sistema originala egin duten!

 Gora zuek!!

FRUTA-BROTXETAK

2.mailan, azken hilabete honetan, ELIKAGAIAK gaia jorratu dugu ingurunen. Elikagaien jatorria, eguneko 5 otorduak, asteko menuak, ... Honekin batera,

OHITURA OSASUNGARRIAK landu ditugu. Eskolara ekartzen ditugun hamaiketakoak osasuntsuak izatearen garrantziaz aritu gara.

Horri eutsiz, gaiarekin amaitzeko proiektu txiki bezala FRUTA-BROTXETAK egitea bururatu zitzaigun.

 

1.

Lehenengo, fruta-brotxeten errezeta egin dugu.

Osagaiak eta prestatzeko urratsak idatzi ditugu.

 

 

 2.

Gero, errezeta praktikan jartzeari ekin diogu.

Hasteko, fruta garbitu, zuritu eta moztu dugu.

 

 

 

 

3.

Ondoren, fruta zatiak brotxetetan sartu ditugu

koloreak nahastuz. Aditasun handia eskatu digu honek!

 

 

 

 

 

4.

Eta amaitzeko, dibertigarriena, ....

Guk geuk prestatutako hamaiketako osasuntsua jan dugu!!

Brotxeta asko egin ditugunez, gure irakasle batzuei fruta-brotxetak dastatzen eman dizkiegu.

 

 

 

Izugarri disfrutatu dugu prozesu osoan zehar!

Baita gure andereñoek ere! :)



Gure ipuina!

Esan bezala, 2.mailako ikasleek "El cazo de Lorenzo" ipuinaren euren egokitzapena sortu dute.

Ipuina aztertu, hausnarketa egin, euskaratu, PPTko diapositibetan idatzi, irudiak kopiatu eta itsatsi, eta haien ahotsen grabazioak egin ditugu ere! 

Ipuina etxean ikusi eta irakur dezazuen igo dut blogera, baina ez dut lortu ahotsak entzutea..... sentitzen dut! 

Ia denboraz arakatzen eta lortzen dudan!

Disfruta ezazue!

MAKETA

Ingurunen "Udalerria" gaia landu dugun bitartean... Sestaoko maketa bat egin dute gure ikasle zoragarriek!

Sestaoko kaleetan topatzen duguna islatu nahi izan dugu maketan: errepideak, zebra bideak, espaloiak, kotxeak, semaforoak, eraikinak, zuhaitzak, lorategiak, pertsonak ...  

Ederto pasatu dute maketa Aneren laguntzarekin egiten!

Mila esker Ane!!! 

Begira, begira:

 

Laguntza gelan ere, euskararen alde!!

Gaur, EUSKARAREN NAZIOARTEKO EGUNA 

ospatu dugu eskolan.

Ahoa bizi bizi  eta belarriak prest prest  

izan ditzagun beti lagunok!!!

Euskaraz bizi nahi dut!!!!

Azaroak 25, indarkeriaren aurkako eguna

Gaur indarkeriaren aurkako eguna osapatu dugu Kueton!

Eskola morez tintatu dugu, tratu onen zuhaitza bete dugu, "erre zenituzten" kanta abestu eta dantzatu dugu, ...

Atzo, gaur eta bihar..... INDARKERIARIK EZ!!!!!! 

Lorentzoren lapikoa!

Ipuin berria lantzen ari gara lagunak!

 

"El cazo de Lorenzo" Isabelle Carrier-en ipuin zoragarria da, aniztasunari eta inklusioari buruzko mezu izugarri garrantzitsua bidaltzen diguna.

 

Ipuinean azaleratzen da desberdintasunak ez duela zailtasuna suposatu behar. Beharreko laguntzekin pertsona orok parte har dezake eguneroko ekintza guztietan eta zoriontsu bizi daiteke ingurukoekin! 

 

Ez ahaztu.... desberdintasunak aberastasuna dakar!!!

 

2. mailako ikasleak ipuinaren moldaketa propioa prestatzen ari dira, amaitzerakoan erakutsiko dizuegu!

 

Bitartean..... ipuinaz gozatu!

 

 

 

 

Dendari paregabeak!!!

2. mailako ikasleek erosketak egin dituzte gelan!!!

Dirua hartu eta dendetara joan dira.

Denetarik egon da dendetan: janaria, arropa, jostailuak.... 

Euren gustuko gauzak aukeratu eta, noski! ondoren, kutxara ordaintzera joan behar izan dira.... 

Billeteak gora, txanponak behera.... zeinen ondo pasatu duten! Dibertigarria izan da!!!!

Aupa zuek!!!! 

 

Hezurrez gain.....muskuluak ere bai!

Esan bezala,  Jabier eskeletoari muskuluak egin dizkiote gure lagunek: bizepsa, trizepsa, bularrekoak, abdominalak, ipurdimasailekoak eta bikiak.

Poz-pozik daude Erika, Gaizka eta Aimar Jabierrekin, a zer nolako lagun berri bitxia dugun! :)